尚善如水

中上環要吃好價比的壽司...實在不易,一唔三唔四,一係貴到飛起. なお膳午市食日替比壽司好、佐瀬就要有節慶先敢定。
是日來了,一間說是社企的壽司~~尚善.

和太座分別要了一個特上的和一個平點兒的壽司set. 定價不算便宜.

前方的是普通的,用料新鮮大路但握功真不差.

這個是特上.用上了牡丹蝦間八等...但喜歡的是以下的湯.

壺仔湯,內有清湯,三文魚塊,茸,蜆...記得年少時在桃山見到這個驚為天物.

價錢和鮨雄差無幾,但沒有了那種廻轉作業的感覺. 加上是社企...十卜啦.

回到原點

311後,壽司桌上眾叛親離;好多人會忽然不認親...根正苗紅話人知無用過日本貨
當然,有啲舖頭唔係咁做..因為目標觀眾不是我們這些帶着敏感的神經香港人.

當中相對便宜的一家正是和富的這小店.老闆識廣州話閩語但唔會同你講,同得你講都係用嚟串你多.
但當他招呼佢啲同胞時包你火滾...因為你會知道咩叫親疏有別.

但是點解要谷住氣都嚟？...好食,新鮮正貨..價錢合理...夠未？
先付是腐皮....甜中有酦有麻香,目的叫醒個胃要開餐.

湯葉

 

☆☆☆切記: 呢間嘢咪叫''おまかせ’’、因為老闆會兜口兜面話你知...''我又唔係同你熟,唔知你喜好,自己簡啦...唔識食...''
不知何時開始,''信哂你,旨意你的廚師發版''會是我港人所謂的識食
當然佢哋實情係有晚餐壽司SET..只係唔係叫おまかせ遮.

今次我自選了一些常叫的而已, カレイ縁側、鯛、赤貝、帆立、ヒマサ、笸我最喜歡的---小肌.及一些卷物.

自選二人前

 

巻き

 

而小朋友就要了時令的穴子飯

分家穴子

 

...這裡是分上的....這個也是要有少少投訢...點解冇''肝吸''


食~到這裡不會難食,午市是另一個層面...不要用同樣的尺去量;但要食到精 緻的記得要混熟成了朋友你就會知點解米☆☆會關注呢間嘢
也好想知當日邊位朋友帶米探去呢間嘢？
奉勸各位無刷牙的劉德華.....佢啲侍客道苯非你嗰隻,而係你當人家是主,主人家才會當你是客. 人家不當你是客...那來客氣？

吃了一碗唏噓...

認識佐滕先生於中環的鮨久,是只十來個位的鮨久....一個信心滿滿,夠膽用上不同的鯛魚,白身魚強調自己是江戶人的笑口常開的日本人.之後突然無聲的不見了,久換來了丸山師傅;不是不好但差了一皮.過了一陣子,見到佐滕去咗北角...跟住又去,港化咗..那時的他少了些色彩....他握的飯還是香港見冋最好的.  又,打算去北角他食個晚餐....點知..無做.  好在,有佢電話,佢話唔多啱做.....休息下.
又之後,見到佢出現灣仔. 到現在,我都覺得佢老板在選址上有問題...定位定價都唔啱. 唔理,白身壽司皇返咗嚟就係....又係笑騎騎;那一次食到我和太座也真滿意....呢啲先係壽司嘛.
上個月頭,一個人走上去...食個三舊水午餐,好老實真係抵到仆街....點知佢話下個禮拜還有特價,因為客路真係唔同得中環時代.  利久都要變天削.  三月十一日....真係仆咗街.
今日,上去打打氣...老實,未見過如此落魄的KFC上校,地震不可怕,津波有少少問題,原發係大鑊客人的信心更可怕. 沒有人的,侍者你眼望我眼...大家真係等死咁上下....未見過佢哋個雪箱咁可憐...問佐滕食壽司好定食ちらし好啲...佢話魚生飯算啦,. 因箸 執念,樓上的那碗還是吸引的.也很好吃..因為比較是沒意義的(在這刻),一路吃一路的聽他吐氣,他說因為今次真的看不見未來...原來他的實家也是在福島.  他也預到未來數月真的有些[真]壽司店無奈的要倒下去...也不知何時光復.材料可以找替代,西班牙,澳大利亞,印度也有好魚,當然運送需時鮮度會減;但人心...看來不是片刻可變,但看雜誌佢老闆要個壽司人去賣拉麵...真係痴咗線.

另外,佐滕先生好像未曾在銀進久兵衛做過,那一場萬圓壽司宴看來是一個誤會.

U

這店子還未開的時候有朋友到這裡見過工.

為什麼,開張時沒來？因朋友說她用的原材...幾是旦,有啲唔係路.
 
但當要想在中環吃壽司...還是試一下吧.
入到去好似見到黃耀明(我意思係人山人海);下午食set由百零兩百到三四百.
下午師傅用流水作業式的握壽司.....,各有山頭,所以好快有得食.

這個是SASHIMI SET ,吞那魚OK好食,縞鯵好食,蝦就似膠.

我的特上壽司SET,帶子好食.但吃起來只會想起元祿@灣仔道. 無交流的情況下.
我想去360買盒好的中島壽司..坐在香港公園又或愛丁堡食..會好FEEL好多.
 
中環食壽司的話...都係比多少少上返佐瀬.當然趕時間除外....