又一年,公司午飯.

公司請食飯,我們這組給人遺忘的孤兒部隊要自己搞定,上年食咗大班樓;今年縮皮飲茶了事. 唔知點解同事們都喜歡放題而不想去陸羽
怕給人白眼云云...於是選上首富覇來的地方1881 內的中菜廳 隆濤院.

飲茶飲茶,先叫來觀音...但這個非常失望淡出鳥來...加多些茶葉也無濟於事,難怪鄰座紅鬚綠眼會開幾枝礦泉水
真的再有機會來自携茶葉好了.
這家店有名的點心是香檳蝦餃. 吃下真的帶點酒香蝦也鮮中有脆算可以了.

不知怎說雞扎無骨有啲缺失...味道可以的那塊魚肚也很入味.

在這裡叫了豬膶燒賣,後悔不已...塊肝掟得死人.

鹹水角及皮蛋蝦膠筒這兩個熱氣之選..十分好吃.

不過炸奶皇溜沙就流過玩泥沙...未試過咁un嘅炸包....

糯米包...好糯口,但唔夠味但又可以叫清爽.

燒賣不大好吃,死死實.

垃圾級的多粉超肥大根餅

但係米紙魚餅又好食喎...

要了些炒飯...少見的放了豆豉辣椒乾同炒、乾身好吃,

甜品有久違的菲林.... 夠芝麻味

人頭計二百己連加一,環境也真不錯...平日算是食得過,特別以尖沙咀計.



那天之後....公司唔見咗一個同事....

尚善如水

中上環要吃好價比的壽司...實在不易,一唔三唔四,一係貴到飛起. なお膳午市食日替比壽司好、佐瀬就要有節慶先敢定。
是日來了,一間說是社企的壽司~~尚善.

和太座分別要了一個特上的和一個平點兒的壽司set. 定價不算便宜.

前方的是普通的,用料新鮮大路但握功真不差.

這個是特上.用上了牡丹蝦間八等...但喜歡的是以下的湯.

壺仔湯,內有清湯,三文魚塊,茸,蜆...記得年少時在桃山見到這個驚為天物.

價錢和鮨雄差無幾,但沒有了那種廻轉作業的感覺. 加上是社企...十卜啦.

妹記@旺角

雅乎在換了新版面後,真的叫人拿不起勁來寫部落格...原來一日一篇的變了半月一次.
 
是生活乏了味下來還是不喜歡這個平台？
 
十月下旬,晴陰不定.
 
一個上午走到旺角街頭,想起這家銅煲生滾粥. 妹記.

這是豬心魚腩粥...,粥底好有米香唔會水汪汪..係啲豬心UN咗.

 
見到她們的油條,提不起勁...但要了這個. 涼伴魚皮...久未吃這個. 這個中式的伴菜,比西方的沙拉我說好上不知多少倍.

用的是熟油不是麻油...花生油那香有時會比芝麻油好的.爽脆份量夠. 真的十分好吃!

雪舟

 有時幾佩服日本人,往往化腐朽為神奇...正如牛肉在戰前 日本人很少有肉吃吃來吃去也只是魚介類多一些 至於牛肉的食制是由明治時期才開始的高級肉食. 而當中也發展了油脂花狀的 ''和牛'' 而更加以分級為5個A 及 12個BMS級別.
說穿了,鐵板燒 ~ 是迎合日本人的扒房, 洋鬼子用的是大火爐...,而日本客人又要講排場又要論長幼咁神戶「みその」就想到用上壽司店的席前現作的方式表現成了她的馳名. 就咁流行到現在...又就咁...我哋又有樣學樣...有返幾間喺銅鑼灣.

說回來雪舟,用料是講究的有級數近頂的飛驒牛有下位一些的佐賀牛...也有肉味好一些的美國牛...但今次只是來吃個午餐...無咩巴閉. 要了個雪舟午餐見有澳洲牛胸膜ハラミ,選這個喜歡的位置就是了.

先來一些不大關事的前菜,計有無白果的茶碗蒸一小折的秋刀壽司.

有清爽的甜甜南瓜沙拉

反而我留下了這個新香唔食住.

再是是旦旦食下個彈牙大竹蝦.

嫩嫩哋嘅半生帶子

終於''等到個豪洲牛腩配碗日本白米飯'' 加埋頭先剩低嘅 漬菜...油脂入飯 加上爽口的蕪菁,小黃瓜....料精餚簡. 夠滿足. 又有o趙頭.

再嚟又係啲無關痛癢的甜點...熱情果布丁配焦糖布丁; 好滑 有奶香 ...唓...咪和櫻屋咁上下囉.

鐵皮香蕉船~丫~我唔識去黑仁帶咩....

哪反而人家話係紅茶呢杯先係好嘢,正宗 呢杯叫法事茶 是料理完畢後的一個結 有消滯解膩. 抺茶是用來起始 而ほうじ茶是用作收結.

用在壽司桌上肯定啱..但這個道理是否用在鉄板焼き上正不正宗我就唔包..因為這東西本是和洋雜交.
.好,埋單二百幾...哽兩碗米飯,唔飽都幾難...啱唔啱食就個人口味;食唔食得過 我會話食得過. 又係咪好過花盃,千登世,稻菊？

差唔多啦.總之好過海賀嗰餐啦.

かに、ぎゅうにく、なべ～えん

 幾年前己經看過這家店在CWB,賣かに酢．．．牛肉の放題、兩個小時的.

但那時太多選擇了,一直的閣置了,直到前幾天.   

又再想起這家店,打了個電話...嘰嘰喳喳的定了幾個位子. 沖縄料理為主導的店前菜也有豬耳沙拉...花生豆腐

火鍋的料也是簡單...蟹是蟹,ずわいがに；牛肉是牛肉就是了. 

　少變化~也是多年卻步之因. 但也見得用料會專一些. 

這個是熟的,可以點酢...可以淥一淥,啖啖肉肉淡淡...可吃! 三人共要了八皿.

 生ビール

 牛肉有牛味,...當然不會是和牛...想歪了罷.

忘了吃了多少碟...簡簡單單也是好.

價錢:$ 400一個人, 小童半額...週三,週日有八折; 

飲品放題: 指定飲品大人60   小人30.

 

明串燒

 

很久沒吃過日式串燒了,週六在老銅沒有預先的定位要找吃的不大有保障. 太座提起在景隆街有家串燒店是她舊友人的親戚開的.
原來是開了三年的明串燒.
師傅由名店南蠻亭出身的...所以也有類似的蔬菜條及面豉醬.

少吃這類串燒原因是,自己不甚喝酒...但串燒店就是酒才是主導...是夜也要了支啤酒.

  
***************************************************************************************

 
今夜用了幾種的白平衡也沒有對,看來要打燈了.
清爽的蟹子沙拉...比我影到幾樣衰. 
 

 
雞軟骨在光管設定下~你還看到什麼？
 

 
個安格斯無燒燶到....又香又有牛味...加上牛油...(吽..)
 

木魚豆腐...用上了炸豆腐,不夠豆香沒豆味..呢個唔好食.

 
照燒銀鱈...正路,不敗的作法.

攤開燒雞翼....日本串燒 必食...皮脆肉嫩.   不過咪問我有無雞味....

 
牛舌 厚啲重好.

 
好好食的ツクネ。。。。しかし、生卵は？無生蛋點喎.

這個最喜歡,雞皮紫蘇蝦串....好食到無倫. 
 
但係輯相黑成咁點算好？